Xiaomi 12S Ultra

Xiaomi ရဲ့နောက်ဆုံးထွက်မယ့် သူ့ရဲ့ Flagship ဖုန်းမှာ တစ်လက်မ အာရုံခံ ကိရိယာပါရှိတဲ့ ကမ္ဘာကျော် Leica ရဲ့ကင်မရာကိုအသုံးပြုထားတယ်လို့ ကြေငြာလိုက်ပါတယ်။

Xiaomi ရဲ့ 12S Ultra ဖုန်းမှာ Smart ဖုန်းတွေမှာ အကြီးဆုံး တစ်လက်မရှိတဲ့ Camera Sensor ပါရှိလာမယ်လို့ ကြေငြာလိုက်ပါတယ်။ နာမည်ကျော် Sony Xperia Pro-I နှင့်မတူပဲ Xiaomi 12S Ultra က ကင်မရာရဲ့ တစ်လက်မ အာရုံခံကိရိယာတစ်ခုလုံးကို အသုံးပြုထားပုံရပါတယ်။ ကင်မရာ ယူနစ်ကြီးတစ်ခုလုံးကို ကြည့်ရတာကိုက တော်တော်ကြီးကို ကြီးမားနေတာ တွေ့ရပါတယ်။

အထဲမှာတော့ Leica ရဲ့ Summicron 1:1.9-4.1 / 13-120 ASPH ကင်မရာစနစ်ပါရှိပြီး 50.3-megapixel ပင်မကင်မရာ (23mm, f/1.9) နှင့်အတူ 48-megapixel ultra-wide ကင်မရာ (13mm, f/22) နှင့် 48-megapixel periscopic camera (120mm, f/4.1) တို့ကို ပေါင်းစပ်ထားပါတယ်။ 48-megapixel ကင်မရာနှစ်ခုစလုံးသည် လက်မဝက် Sony IMX586 အာရုံခံကိရိယာကို အသုံးပြုထားပါတယ်။ စက်ဝိုင်းပုံ ကင်မရာမှာ မှန်ဘီလူးမှ အလင်းပြန်မှုကို လျော့ပါးစေပြီး ပုံရိပ်လိုက်ဖက်ညီမှုကို မြှင့်တင်ရန် အထူး coating ပါရှိပါတယ်။ ဒါအပြင် 23 ကာရက် ရွှေအနားကွပ် လည်းပါရှိပါတယ်လို့ သိရပါတယ်။